Savol-javob
Sado haqida savollar: AI operator qanday ishlaydi
AI operator qanday ishlaydi, narxi qancha, raqamingizga qanday ulanadi — bizneslar Sado haqida eng ko‘p so‘raydigan savollarga qisqa javoblar shu yerda. Javob topmasangiz, 78 778 01 23 raqamiga qo‘ng‘iroq qiling yoki Telegram’da yozing.
AI operator qanday ishlaydi — qisqacha
Mijoz odatdagi raqamingizga qo‘ng‘iroq qiladi. Sado’ning AI operatori taxminan bir soniyada javob beradi, o‘zbek yoki rus tilida gaplashadi, siz bergan ma’lumotlar bo‘yicha savollarga javob beradi va qabulga yozadi. Suhbat yozuvi, matni va natijasi Sado portaliga va CRM’ga tushadi.
Uch qadamda ulanish
1. Raqamni ulaymiz
Hozirgi raqamingiz SIP orqali yoki yangi raqam.
2. Operatorni siz bilan sozlaymiz
Skript, savollar, narxlar va ish vaqti.
3. Natijani ko‘rasiz
Har bir qo‘ng‘iroq portalda va CRM’da.
Narxi
Daqiqabay: faqat gaplashilgan daqiqa uchun, daqiqasi 800 so‘m, oldindan to‘lovsiz. Ko‘p gaplashsangiz — oylik paketlarda 600 so‘mgacha arzon. Raqamingiz o‘zgarmaydi.
Narxlarni batafsil ko‘rishKo‘p beriladigan savollar
AI operator qanday ishlaydi?
U telefon raqamingizga ulanadi va qo‘ng‘iroqlarga javob beradi: tinglaydi, siz bergan ma’lumotlardan javob beradi, kerakli savollarni so‘raydi va qabulga yozadi. Har bir suhbatning yozuvi va natijasi portalga tushadi.
Qaysi tillarda gaplashadi?
O‘zbek va rus tilida. Mijoz qaysi tilda gapirsa, operator o‘sha tilda javob beradi.
Ovozni tanlasa bo‘ladimi?
Ha. Ikki ovoz bor: ayol ovozi Malika va erkak ovozi Shohruh, ularni bosh sahifada eshitib ko‘ring. Operator ismi, ohangi va gaplarini ham o‘zingiz belgilaysiz.
Raqamimni o‘zgartirishim kerakmi?
Yo‘q. Operator hozirgi shahar yoki mobil raqamingizga aloqa operatoringizning SIP-telefoniyasi orqali ulanadi, masalan Sarkor yoki UTeL. Xohlasangiz, yangi raqam ham ulaymiz.
Narxi qancha?
Faqat gaplashilgan daqiqa uchun: daqiqasi 800 so‘m, suhbat qisqami, uzunmi — farqi yo‘q. Oylik to‘lov va o‘rnatish uchun to‘lov yo‘q.
Ulash qanday bo‘ladi, dasturchi kerakmi?
Dasturchi kerak emas, sozlashni jamoamiz qiladi. Raqamni ulaymiz, siz bilan skript, savollar, narxlar va ish vaqtini kiritamiz, keyin natijalarni ko‘rasiz.
Qaysi CRM bilan ishlaydi?
Bitrix24 bilan tayyor ulanish bor: qo‘ng‘iroq kartasi yozuv va matn bilan, lid yoki bitim yaratiladi. amoCRM, Google Sheets, 1C, BILLZ, MoySklad va boshqa tizimlarni jamoamiz siz bilan birga ulaydi.
Mijozlarga o‘zi qo‘ng‘iroq qila oladimi?
Ha. Sayt, Instagram yoki formadan kelgan yangi arizaga darhol qo‘ng‘iroq qiladi, Excel ro‘yxati bo‘yicha qo‘ng‘iroq qiladi, qabuldan bir kun oldin eslatadi va buyurtmani tasdiqlaydi. Faqat qo‘ng‘iroq qilish mumkin bo‘lgan odamlarga, yozib qo‘yilgan xabar bilan emas, jonli suhbat bilan.
Mijozni xodimga ulay oladimi?
Ha. Siz qoida berasiz, masalan «mijoz sotib olishga tayyor bo‘lsa» yoki «odam bilan gaplashmoqchi bo‘lsa». Shunda operator qo‘ng‘iroqni xodimingiz telefoniga o‘tkazadi.
Operator javobni bilmasa nima qiladi?
O‘ylab topmaydi. Faqat siz bergan ma’lumotlardan javob beradi, bilmasa menejer qayta qo‘ng‘iroq qilishini aytadi va vazifa yaratadi.
Bir vaqtda nechta qo‘ng‘iroqqa javob beradi?
Bir vaqtda o‘ntadan ortiq qo‘ng‘iroqqa, navbatsiz. Kechasi, dam olish va bayram kunlari ham ishlaydi.
Ma’lumotlarimiz xavfsizmi?
Kalitlar shifrlangan holda saqlanadi, ma’lumotlar cheklangan muddat saqlanadi, ularni o‘chirishni so‘rash huquqingiz bor. Batafsil — «Maxfiylik» sahifasida.
Mijozga suhbat yozib olinishi aytiladimi?
Xohlasangiz, ha: operator suhbat boshida qo‘ng‘iroq yozib olinishini aytadi. Bu sozlamani yoqish yoki o‘chirish mumkin.
Qo‘ng‘iroqlarni o‘zim nazorat qila olamanmi?
Ha. Ish vaqti va limitlarni o‘zingiz belgilaysiz, qo‘ng‘iroqlarni bitta tugma bilan to‘xtatasiz. «Qo‘ng‘iroq qilmang» degan raqamga qayta qo‘ng‘iroq qilinmaydi.
Qaysi bizneslarga mos keladi?
Qo‘ng‘iroq ko‘p keladigan bizneslarga: klinikalar, ko‘chmas mulk, avtosalonlar, o‘quv markazlari, onlayn do‘konlar, go‘zallik salonlari va yetkazib berish.
Qanday sinab ko‘raman?
Bosh sahifada operator bilan brauzerda jonli gaplashing yoki 78 778 01 23 raqamiga qo‘ng‘iroq qiling. U yerda kecha-kunduz Sado’ning o‘z AI operatori javob beradi.
Hamkorlar va dasturchilar uchun nima bor?
Integratorlar uchun hamkorlik dasturi bor — «Hamkorlar» sahifasida. Dasturchilar uchun REST API va webhook — «Dasturchilar uchun» sahifasida.
Sado AI’ni kim ishlab chiqqan?
Sado AI — Toshkentdagi FERATECH MChJ mahsuloti. Yangiliklarimiz Telegram va Instagram’da: @sadoai_uz.
Sado’ni o‘z qo‘ng‘iroqlaringizda sinab ko‘ring.
Saytda jonli gaplashing yoki 78 778 01 23 raqamiga qo‘ng‘iroq qiling — mijozlaringiz eshitadigan operator aynan shunday.