Kiruvchi qo‘ng‘iroqlar
Qo‘ng‘iroqlarga javob beradigan sun’iy intellekt: AI operator 24/7
Sado — qo‘ng‘iroqlarga kecha-kunduz javob beradigan sun’iy intellekt, kompaniyangizning AI operatori. Mijoz taxminan bir soniyada, navbatsiz javob oladi: operator o‘zbek yoki rus tilida gaplashadi, narx va manzilni aytadi, qabulga yozadi. Raqamingiz o‘zgarmaydi, natija portalda va CRM’da.
Call-markaz uchun AI: har bir qo‘ng‘iroqqa javob
Bir soniyada javob
Navbat yo‘q, kutish 0 soniya. Bir vaqtda o‘ntadan ortiq qo‘ng‘iroqni oladi.
Kecha-kunduz
Kechasi, dam olish va bayram kunlari ham. Ish vaqtidan keyin qo‘ng‘iroq qilgan mijoz ham javobsiz qolmaydi.
Mijoz tilida
Mijoz o‘zbekcha gapirsa o‘zbekcha, ruscha gapirsa ruscha javob beradi.
Kompaniyangiz nomidan
Kompaniya nomi, operator ismi, ohang va so‘zlar sizniki. Ayol ovozi Malika va erkak ovozi Shohruhni bosh sahifada eshitib, birini tanlang.
AI operator qo‘ng‘iroqda nima qiladi
Savollarga javob beradi
Narxlar, manzillar, ish vaqti, xizmatlar va yetkazib berish shartlari — faqat siz bergan ma’lumotlardan.
Yozib qo‘yadi
Qabul, uchrashuv, ko‘rik, test-drayv yoki sinov darsiga yozadi. Buyurtma va arizalarni qabul qiladi.
Kerakli savollarni so‘raydi
Siz bergan savollar bo‘yicha mijozni aniqlaydi: nima kerak, qachon, qancha byudjet.
Xodimga ulaydi
Mijoz sotib olishga tayyor bo‘lsa yoki odam bilan gaplashmoqchi bo‘lsa, qoidangiz bo‘yicha qo‘ng‘iroqni xodim telefoniga o‘tkazadi.
Bilmasa, o‘ylab topmaydi
Menejer qayta qo‘ng‘iroq qilishini aytadi va vazifa yaratadi. Qayta qo‘ng‘iroq vaqtini ham belgilab qo‘yadi.
Natija portalda va CRM’da
Har bir qo‘ng‘iroqning yozuvi, to‘liq matni, aniqlangan ma’lumotlar, band qilishlar va xarajati Sado portalida turadi. Bitrix24 bilan tayyor ulanish bor: yozuv va matnli qo‘ng‘iroq kartasi, yangi lid yoki bitim. amoCRM, Google Sheets, 1C, BILLZ va MoySklad’ni jamoamiz siz bilan birga ulaydi. Boshqa tizimlar uchun webhook va REST API bor.
Uch qadamda ishga tushadi
1. Raqamni ulaymiz
Hozirgi shahar yoki mobil raqamingizni operatoringizning SIP-telefoniyasi orqali ulaymiz (masalan, Sarkor yoki UTeL). Yoki yangi raqam ulaymiz.
2. Operatorni siz bilan sozlaymiz
Skript, savollar, narxlar va ish vaqti. Sizdan dasturchi yoki kod talab qilinmaydi.
3. Natijani ko‘rasiz
Qo‘ng‘iroqlar, yozuvlar va arizalar portalda va CRM’da.
Kechasi klinikaga qo‘ng‘iroq
Sado: Assalomu alaykum, «Oila» klinikasi. Eshitaman.
Mijoz: Assalomu alaykum. Ertaga tish shifokoriga yozilsam bo‘ladimi?
Sado: Ha, albatta. Ertaga soat o‘nda yoki uchda joy bor. Qaysi biri sizga qulay?
Mijoz: Uchda bo‘lsin. Ismim Dilshod.
Sado: Xo‘p, Dilshod aka, ertaga soat uchga yozib qo‘ydim. Yana biror savolingiz bormi?
Mijoz: Yo‘q, rahmat. Kechasi ham javob berasizlar-a?
Sado: Ha, kecha-kunduz javob beramiz. Sog‘ bo‘ling!
Narxi
Daqiqabay: faqat gaplashilgan daqiqa uchun, daqiqasi 800 so‘m, oldindan to‘lovsiz. Ko‘p gaplashsangiz — oylik paketlarda 600 so‘mgacha arzon. Raqamingiz o‘zgarmaydi.
Narxlarni batafsil ko‘rishKo‘p beriladigan savollar
Qo‘ng‘iroqlarga javob beradigan sun’iy intellekt qanday ishlaydi?
Mijoz odatdagi raqamingizga qo‘ng‘iroq qiladi, AI operator taxminan bir soniyada javob beradi. U siz bergan skript va ma’lumotlar bo‘yicha gaplashadi, natijani portalga va CRM’ga yozadi.
Call-markaz uchun AI bir vaqtda nechta qo‘ng‘iroqni oladi?
Bir vaqtda o‘ntadan ortiq suhbat, navbatsiz. Mijoz kutib qolmaydi.
Mijoz odam bilan gaplashmoqchi bo‘lsa-chi?
Siz belgilagan qoida bo‘yicha operator qo‘ng‘iroqni xodimingiz telefoniga o‘tkazadi.
Javobini bilmasa nima qiladi?
O‘ylab topmaydi. Menejer qayta qo‘ng‘iroq qilishini aytadi va vazifa yaratadi.
Raqamimni o‘zgartirishim kerakmi?
Yo‘q. Operator hozirgi raqamingizga SIP orqali ulanadi, mijozlar o‘sha raqamga qo‘ng‘iroq qilaveradi.
Mijoz suhbat yozib olinishini biladimi?
Xohlasangiz, operator suhbat boshida qo‘ng‘iroq yozib olinishini aytadi. Bu sozlamani yoqish yoki o‘chirish mumkin.
Qanday sinab ko‘raman?
Bosh sahifada operator bilan brauzerda jonli gaplashing yoki 78 778 01 23 raqamiga qo‘ng‘iroq qiling — u yerda Sado’ning o‘z AI operatori javob beradi.
Sado’ni o‘z qo‘ng‘iroqlaringizda sinab ko‘ring.
Saytda jonli gaplashing yoki 78 778 01 23 raqamiga qo‘ng‘iroq qiling — mijozlaringiz eshitadigan operator aynan shunday.