Klinikalar va stomatologiyalar
Klinika uchun AI operator: bemorlarni kechayu kunduz qabulga yozadi
Sado — klinika uchun AI operator. U har bir qo‘ng‘iroqqa bir zumda javob beradi, bemorni kerakli shifokorga qabulga yozadi va bir kun oldin eslatadi. O‘zbek va rus tilida, 24/7, hozirgi raqamingizda ishlaydi: ko‘p tarmoqli klinikada ham, stomatologiyada ham.
Bemorni qabulga yozish: navbatsiz, kechasi ham
Bemor kutib qolmaydi: operator taxminan bir soniyada javob beradi va bir vaqtda o‘ntadan ortiq qo‘ng‘iroqni oladi. Ish vaqtidan keyin, dam olish va bayram kunlari ham qabulga yozadi.
Shifokor yoki mutaxassislik bo‘yicha
Bemor «kardiologga» yoki «tish shifokoriga» desa, operator bo‘sh vaqtlarni aytadi va qulayiga yozadi.
Bir kun oldin eslatma
Qabuldan bir kun oldin operator bemorga o‘zi qo‘ng‘iroq qilib, kun va soatni eslatadi.
Vaqtni ko‘chirish
Bemor kela olmasa, operator boshqa bo‘sh vaqtni taklif qiladi va yangi vaqtga yozadi.
Kerak bo‘lsa, xodimga ulaydi
Bemor odam bilan gaplashmoqchi bo‘lsa yoki qoidangiz shuni talab qilsa, qo‘ng‘iroq qabulxonadagi xodimga o‘tadi.
Savollarga klinikaning o‘z ma’lumotlaridan javob
Operator faqat siz bergan ma’lumotdan gapiradi: xizmatlar va narxlar, manzil, ish vaqti, shifokorlar jadvali, tahlilga tayyorgarlik qoidalari. Masalan, «Qon tahliliga och qoringa kelaymi?» degan savolga klinikangiz yozib bergan qoidani aytadi. Javobni bilmasa, o‘ylab topmaydi: menejer qayta qo‘ng‘iroq qilishini aytadi va vazifa ochadi.
Klinika uchun AI operator tibbiy maslahat bermaydi
Sado tashxis qo‘ymaydi va dori tavsiya qilmaydi. Davolash haqidagi savollarni shifokorga qoldiradi va qabulga yozishni taklif qiladi. Holat shoshilinch bo‘lsa, bemorga darhol 103 ga — tez yordamga qo‘ng‘iroq qilishni aytadi.
Har bir qo‘ng‘iroq panelda va CRM’da
Yozuv va matn
Har bir suhbatning yozuvi va to‘liq matni Sado portalida saqlanadi.
Bemor ma’lumotlari
Ism, telefon, shifokor va vaqt alohida maydonlarda, qabullar ro‘yxatida.
Bitrix24 va boshqa tizimlar
Bitrix24’ga tayyor ulanish bor. amoCRM, Google Sheets, 1C va boshqa tizimlarni jamoamiz ulaydi.
Ma’lumotlar himoyasi
Kalitlar shifrlangan, saqlash muddati cheklangan, o‘chirishni so‘rash mumkin. Xohlasangiz, operator suhbat boshida qo‘ng‘iroq yozib olinishini aytadi.
Qanday ulanadi
1. Raqamni ulaymiz
Hozirgi shahar yoki mobil raqamingiz SIP orqali ulanadi, masalan Sarkor yoki UTeL. Bemorlar o‘sha raqamga qo‘ng‘iroq qilaveradi.
2. Operatorni birga sozlaymiz
Shifokorlar, xizmatlar, narxlar, ish vaqti va beriladigan savollar — klinikangizga moslab.
3. Natijani ko‘rasiz
Qabullar, yozuvlar va xarajat portalda. Dasturchi kerak emas, sozlashni jamoamiz qiladi.
Klinikaga qo‘ng‘iroq: qabulga yozish
Sado: Assalomu alaykum, Mehr klinikasi, Malika, eshitaman.
Mijoz: Assalomu alaykum. Kardiologga yozilmoqchi edim, payshanbaga bo‘ladimi?
Sado: Hozir qarayman. Payshanba soat o‘nda va to‘rtda bo‘sh. Qaysi biri qulay?
Mijoz: O‘nda. Qon tahlili ham topshiraman, och qoringa kelaymi?
Sado: Ha, klinikamiz qoidasi bo‘yicha tahlilga och qoringa kelasiz. Ismingiz nima edi?
Mijoz: Jamshid Karimov.
Sado: Jamshid aka, payshanba soat o‘nga yozdim. Bir kun oldin eslatib qo‘ng‘iroq qilamiz. Sog‘ bo‘ling!
Narxi
Daqiqabay: faqat gaplashilgan daqiqa uchun, daqiqasi 800 so‘m, oldindan to‘lovsiz. Ko‘p gaplashsangiz — oylik paketlarda 600 so‘mgacha arzon. Raqamingiz o‘zgarmaydi.
Narxlarni batafsil ko‘rishKo‘p beriladigan savollar
Klinika uchun AI operator tibbiy maslahat beradimi?
Yo‘q. U tashxis qo‘ymaydi va dori aytmaydi. Shoshilinch holatda bemorga darhol 103 ga qo‘ng‘iroq qilishni aytadi, boshqa hollarda shifokor qabuliga yozadi.
Bemorni qabulga yozish qanday ishlaydi?
Operator shifokor yoki mutaxassislikni so‘raydi, bo‘sh vaqtlarni aytadi, bemorning ismi va telefonini yozib oladi. Qabul portalda ko‘rinadi, bir kun oldin eslatma qo‘ng‘irog‘i ketadi.
Stomatologiya uchun ham mos keladimi?
Ha. Qabul turlari, shifokorlar va narxlarni o‘zingiz berasiz, operator shular bo‘yicha javob beradi va yozadi.
Bemor rus tilida gapirsa-chi?
Operator bemor qaysi tilda gapirsa, o‘sha tilda javob beradi: o‘zbek yoki rus.
Raqamimizni o‘zgartirish kerakmi?
Yo‘q. Sado hozirgi raqamingizga SIP orqali ulanadi, bemorlar o‘sha raqamga qo‘ng‘iroq qilaveradi.
Narxi qancha?
Faqat gaplashilgan daqiqa uchun: daqiqasi 800 so‘m. Oylik to‘lov va o‘rnatish uchun to‘lov yo‘q.
Sado’ni o‘z qo‘ng‘iroqlaringizda sinab ko‘ring.
Saytda jonli gaplashing yoki 78 778 01 23 raqamiga qo‘ng‘iroq qiling — mijozlaringiz eshitadigan operator aynan shunday.